O Premio de Xornalismo créase no ano 2016, dentro das actividades polo centenario do nacemento de Lueiro e para cubrir todas as facetas literarias do escritor, quedando reflectidas nos tres premios literarios, o de novela do concello do Grove e dous do concello de Fornelos de Montes, poesía e xornalismo de denuncia social.

Co Premio de Xornalismo ademais do Departamento de Cultura e Lingua da Deputación de Pontevedra, colaboran os seguintes medios no compromiso de publicar o texto gañador:

Diario de Pontevedra, Diario de Arousa, Sermos Galiza, Praza Pública, Que pasa na Costa, Galicia Confidencial e Tempos Novos.